مجارات الشاعر زيد بن حامد التميمي لشاعر خالد التويم التميمي في رثاء المغفور له علي زيد العثمان

المغفور , العثمان , ابيات

مجارات الشاعر زيد بن حامد التميمي لشاعر خالد التويم التميمي في رثاء المغفور له علي زيد العثمان

	بسم الله الرحمن الرحيم السلام عليكم ورحمة الله وبركاته (( مجارات الشاعر زيد بن حامد التميمي لشاعر خالد التويم التميمي في رثاء المغفور له علي زيد العثمان )) مرّت علي قصيدة لإبن العم الشاعر / خالد آل تويم يرثي فيها إبن عمنا / علي بن زيد آل عثمان رحمه الله تعالى الذي قتل غدراً قصيدة فيها من الحزن والوجد الكثير ، مؤثرة بلا شك ، وآخر بيت فيها زاد تأثيرها تأثيراً وهو البيت الي يقول فيه ؛ يالجنة التنفيذ هالحين هالحين أما ذبحتي الكلب والّا ذبحناه صح لسان الشاعر وجعلها الله في الموازين ورحم الله ابن عمنا / علي آل عثمان وأعلى في الجنة منزاله ، والهم أهله وذويه ومحبيه الصبر والسلوان وعظّم لهم الأجر وإنا لله وإنا إليه راجعون ......................... قصيدة الشاعر / خالد آل تويم .............. البارحه سهرٍ وانا خاطري شين سهران طول الليل من حر فرقاه لكن قلبي فيه مثل البراكين ويلاه من فرقى المواليف ويلاه قلت اه لاكن فارق القلب غالين ياعلي انا في تالي الليل قلت اه فرقى التميمي شيب الراس والعين ياللي تريد الحق وين انت وياه السبت حنا بالمساجد مصلين وهذا تبلاني ... وهذا تبلاه مرحوم يارمز الرجال الكريمين مرحوم ياحرٍ على الطيب مرباه من ربعي العثمان نسل الشياهين يالله عسى الجنه مقره ومثواه ياجامعٍ دنيا وياجامعٍ دين وياناتلٍ قلبي من ادناه لاقصاه والسوري ابن الكلب رايح على وين يالله عسى مافاته الليوم يلقاه لكن مايحتاج .. شرح ونياشين والعلم بين عند هذا وهذاه يالجنه التنفيذ هالحين هالحين اما ذبحت الكلب ولا ذبحناه خالد آل تويم التميمي ...................................... صح الله لسانه واعتلى شانه لي الشرف أولاً بمجاراته وأقل مايقدم في مثل هذه المواقف ، وربما أنه واجب وعسى الله يجملنا ............................. بسم الذي يعلم نوايا المصلين ان كان لله او لغيره نواياه سبحانه الخالق نجي له ملبين نستغفره ونعوذبه ونـ ترجاه الحق لو يخفى وتبعد به سنين بامر الولي يظهر وتنصر سراياه والعايل الي مسّ حد القريبين ملعون ابو صيره وملعون مجناه وبـ دم ولد العم ماحنا رخيصين سبعٍ وجاله غترةٍ من تقفاه وعنوانها وماهو بضمن العناوين حقه يذكى مثل ماتذبح الشاه وياخالد الدعوى ماهي رد بيتين الّا نجيك صفوف وان قلت عزاه دم التميمي ماتحده قوانين لاحد لا ديره ولا كيف مٓلّغاه من دار غياضٍ ولـ حنا بعيدين نمشي مع الغبشة وحولك مضحاه ياخالد بن تويم والله ثنتين مابه تهاون لا ولاهي مثنّاه الدار واقصى حدها بالميامين والدم والثارات والّا بلياه قلي يابن عمي ولاحنا ذليلين من لم يمت بالسيف موته بيلقاه إن لم نكن بنيان في شدة يدين افراحنا واتراحنا والمعاداه لاخير فينا وش تفيد الملايين الّا وش تفيد القصور المبنّاه معها وش تفيد العيون وبساتين لاصار ماتحمى يجي الغير يالاه الحال يابن تويم مابين ضلعين تصك فيه وغيمة الحزن تغشاه تقول بـ ان إفراقه مشيّب العين وتدعي عسى الجنة مقره ومثواه وأنا برد القول واختمّه بـ آمين والله كريم ولايخيّب مناجاه وبلّغ عزانا للرجال العزيزين بدّه على أكبر عصبته واصغر ابناه وعُمّه على رجالٍ ترود الميادين العلم غانم والتواريخ يزهاه وصلاة ربي ماتعاقب نهارين وماغاب نجم ومن لوقته تحراه ومابدلت حالٍ من العسر للين على شفيع الخلق يوم المناداه ........................... زيد بن حامد آل غنام التميمي

الموضوع الأصلي: مجارات الشاعر زيد بن حامد التميمي لشاعر خالد التويم التميمي في رثاء المغفور له علي زيد العثمان || الكاتب: اللجنة الاعلامية || المصدر: شبكة بني تميم الرسمية بمنطقة حائل

www.altmemi.com

كلمات البحث

العاب ، برامج ، سيارات ، هاكات ، استايلات , تويتر , واتس اب , يوتيوب

---

l[hvhj hgahuv .d] fk phl] hgjldld gahuv ohg] hgj,dl td vehx hglyt,v gi ugd hguelhk

صح لسان الشاعر خالد التويم والشاعر زيد الحامد
رحم الله علي العثمان