لو كنت أنا ماني تميمي تمنيت !!

[التميمي]

أنا لو إنـي عشـت عمـر العفاريـت
دربـي بـدرب متعبـيـن المطـيـه
لو كنت أنـا مانـي تميمـي تمنيـت
أكـون مـن عصبـة تميـم الأبيـه
أشـد الأمـة بالمـلاحـم عناتـيـت
وهالمفـخـرة للعـلـم مستقبلـيـه
بالجهل حزنا صيت و أسلم بنا صيـت
وإسلامنـا رنّـم ثـرى القادسـيـه
يشهد لنا جيحون مـن دون تصويـت
خضنـاه قـدم عيـون كـل البريـه
مـن فعلنـا حـل إختـراع التوابيـت
وكلامـنـا مقـيـاس للشاعـريـه
وحكمه وحكـام بعكـاظ لهـم بيـت
بأرياهـم أبيـن مـا تكـون الخفيـه
نجيـز حجـاج الحـرم بالمواقـيـت
ويقال يا أبنـاء مـر جيـزو صفيـه
تاريخ مشطـوب منـه مفـردة ليـت
برماحنـا كــل المـنـى واقعـيـه
علـى ثـرى نجـد العذيـه مثابيـت
مثل الرحى تطحن على المـاء سنيـه
دوحة قطر/ وقفار / وتخـوم تكريـت
الـوكـره / الأنـبـار/ والكاظمـيـه
الموصل / البصره/ ديالـي وإذا جيـت
فلوجـة / الأمجـاد سلّـم وصـيـه
وبثرمـداء دارالسيـوف المصالـيـت
سيفـي بـداح وشيمتـي عنقـريـه
وعرين" أشيقـر" للغطاريـف لألفيـت
دار الوهيـبـي والجـبـال وهبـيـه
و"حوطة تميم" الموت فتّـح لياجيـت
من الترك ماتلقـى سـوى المدفعيـه
وعلى" قصور المقبل" الركـب حثيـت
دار الخوي اللـي مايرخـص خويـه
و"روضة سدير" ليا "عشيـره" ولبيـت
للناصـري " بالفرعـه" الناصـريـه
و"حوطة سدير" مع "العيينه" وحييـت
" أثيثيـه " عينيـن" و"المزاحمـيـه"
و"تمير" و"المذنـب" عنـه لوتنحيـت
بخطوطهـا للقلـب روحـه وجـيـه
وأرض "القصيم" ارض الزحول الثوابيت
ارض ال ابوعلـيـان والعرفـجـيـه
و"قصر العقيل" به من العـز ماالفيـت
للضيـف خـلا بـاب قصـره صنيـه
و"الروضه" الفيحاء حشى ماتناسيـت
كـم عـدن برمـان حزنـا دلـيـه
و"المستجـدة" وإن غديـت استدليـت
بالعود.. يا تركـي ..مـع الشاذليـه
ويمّ " الوسيطـاء "لارقيـت وتعليـت
بيـاع صنعـاء بـاع مافـي يـديـه
وأرض "الغزالة" حد لامـن تماريـت
ذبّاحـة الدولـة سـريـة سـريـه
وداري "سميراء "حـق ماقـد تعديـت
يـوم الوغـى صيحاتنـا شبرمـيـه
وفي ماكر "السبعان" يامـا تعزويـت
بأهـل الصخـى والعـز والمقدريـه
و"ضرغط" و "فرتاج" السنين المفاليت
يـوم الليالـي بالعـطـش حاتمـيـه
و"قصير غضور" و"المهاش" وتقديـت
بنجـم "السليمـي" لاغـدت غيهبيـه
ومن الزهاب اللي معي كـان دجيـت
على " جفيفاء" سقت عمـري هديـه
و"قصر العشر" طول الليال السماريـت
بيارقـه بالطـيـب دايــم علـيـه
و"جهراء"السعيد اللي بها يوصي الميت
يدفـن بهـا لا عاجلـتـه المنـيـه
و"بالجوف" لي عوق السنين السباريت
عيـال حـمـاد اللـيـوث الفتـيـه
هـذا بحـد العلـم عديـت وأزريـت
لا أحصـي معاقـل لابـة صيرميـه
من كثر مـا صلنـا وجلنـا تحديـت
كـل التـواريـخ القديـمـه وذيــه
تلقى تميم لصفحـة المجـد مانشيـت
حيّـه ونـار المجـد والعـز حـيّـه
لا جاء الفخر وش عاد يافخر لاجيـت
أجيـك وآردك بـك علـى الحنظليـه
و كانه مكاثـر بالعـدد لـك تصديـت
بـأ بنـاء سعـد جحافـل سرمديـه
وللحرب رمحـي باليميـن وتعزويـت
وأقـول ياعـوق العـداء عمـرويـه
لذا لوإنـي عشـت عمـر العفاريـت
دربـي بـدرب متعبـيـن المطـيـه
لوكنـت أن مانـي تميمـي تمنـيـت
اصيـر مـن عصبـة تميـم الأبيـه


آلشآعر بندر بن ضيدان التميمي

[المفيد]

قصيدة قمة ورائعة تشكرون عليها

من شاعر قمة سح لسانه

نشكركم وفقكم الله

مع السلامة

[تميم]

صح لسان شاعرها وناقلها
اهنيك على هالاختيار المميز
دام هطولك احساسك الراقي
الله يعطيك العافيه
دمت كما تحب

[سعود المفيد]

تسلم يمينك على هذه الابيات
وصح لسان الشاعر

[بقايا روح]

صح لسان الشاعر وتسلم على الطرح المميز

[وردة بني تميم]

تسلم يمينك وصح لسان الشاعر

[كآريزمآ]

http://www.des4you.net/vb/images/smilies/886784.gif
. صح . لسسإآن . كإآتبهإآ .~ِ
. وتسسآـم . ـإيدين . الي . نقآـهإآ .~ِ
. بِ . ـإنتظإآر. كل . مَ . هو . جديد .~ِ
http://www.des4you.net/vb/images/smilies/886784.gif






ِ~. فخ ِـرِ ّ .~ِ