المساعد الشخصي الرقمي

مشاهدة النسخة كاملة : قصيدة بنت تطالع شاب في المطار..


شوق تميم
13 06 12, 09:56 AM
قصيده عن بنت تطالع شاب وهو مع اصحابه بالمطار ومانزلت عينها منه وطلع الشاب شاعر

كملوها للأخر لاتفوتكم
- روعــــ‘ــ‘ــه -

يقول :

كل شبر بهآ الوسيعه ملك ربي تعلمين
وأعلم إن ألي خلقني هو خلق لك هآلعيون

ولكن أنتي من جلستي وأنتي فيني تنآظرين
كن مآ به ناس غيري بهآلكراسي يجلسون

لو سمحتي عآد أسمعي وحتى لو مآتسمحين
ألمهم ألي بأقوله تسمعينه ويسمعون

ع الأقل ليآ نآظرتك سوي روحك تستحين
غظي طرفك مثل غيرك خوف ربعي يلمحون

الركاده عآده زينه والحياء في البنت زين
وفيك جآزم لا ركاده ولا حياء يذكرون

تعرفيني !؟ أعرفك !؟ ماأذكر إنا ملتقين
لا أعرفك من تكوني ولا تعرفي من آكون

واطمأني كان قصدك فيني تشبهين
مآهو أنا الي تعرفينه والبشر يتشابهون

مادريتي من التشآبه يخلق الله أربعين
وأعرف أربع يشبهنك بس والله يستحون

وأن كآن قصدك شي ثآني قولي وش تبين
خايف إنا نصيرفرجه والي ماأشتروآيتفرجون

واذآ ببالك عاجبتني لا يوحشك تحلمين
صح ربعي من جمالك فيك صاروآ يمدحون

بس وش الي في حلآتك دآم فيها ترخصين
حشمة البنت بحيآها والكرآمه يلفتون

ولو توفر فيك هذآ مع حلاتك تبشرين
ماهو أنا ألف غيري باب بيتك يطقون

وش علامك رغم كل الي أقوله وتسكتين
مو طبيعي هآلسكوت وهآلبرود وهآلسكون

إنتي خرسآ أسألك ولا منتي تسمعين
قالو ربعي ذي كفيفه قلت لا لا تمزحون

لين شفتك يوم رحتي يمسكونك باليدين
مادريت إلا عيوني أربع أربع يذرفون

آآآه يانه مشهد يوم شفتك ترحلين
جيت أشوف عيون ربعي لقيت الكل يدمعون

ي الكفيفه ي العفيفه إن قلت آسف تقبلين ؟
يغفر الله ذنوب عبده ليآ خطآ! وهل انتي تغفرين ؟؟؟:nosad::bye2:
<!-- google_ad_section_end -->

سفير تميم
13 06 12, 02:05 PM
مؤثرة فعلآ

عوافي ع الموضوع الجميل

عالي تميم
13 06 12, 02:26 PM
إنتي خرسآ أسألك ولا منتي تسمعين
قالو ربعي ذي كفيفه قلت لا لا تمزحون


لين شفتك يوم رحتي يمسكونك باليدين
مادريت إلا عيوني أربع أربع يذرفون

قمة قمة قمة
ياليت عندي تقييم والله اعطي القصيدة
خمس نجوم انا جازت لي مرة اعجابي

تكفون تقييم يالربع

تسلمي علة الاختيار الممتاز جدا

شوق تميم
14 06 12, 03:11 AM
اهلآ بكم اخواني علي تميم" ونزف الحروف
شاكره لكم مروركم الرائع
لاحرمتم الأجررررررررر

علي بن حامد
16 06 12, 08:44 PM
قصيدة في غاية الجمال و الروعة

و فيها درس جداً مهم و هو >>

(( عدم الحكم على الناس من المظاهر ))

الصمت البعيد
17 06 12, 08:08 PM
روووعه روووعه بمعنى الكلمه وفي الصميم ومن جدا الف الف الف شكر على الطرح الراقي
كرقي سمووك ...
لاتحرميني جديدك اعجبني نزق قلمك ومن جد وبكل صراحه

تقبليني

هدوووء

نهية التميمي
19 06 12, 02:25 AM
قصصيدههَ تقطععَ ـآلقلب من جد ’(

عوـآفي وخيتي ع النقل
لآعدمنآـآككَ ولأآعدمنآـآ جديدككَ ـآلمميز ..’

shehanat tamim
19 06 12, 03:59 PM
من اجمل القصائد تأثير

روووعه روووعه

ابدعتي يالغلا

داام تميزك وعطاائك

شوق تميم
19 06 12, 07:58 PM
مرحبآ الف
الأروع مروركم
الله يعطيكم العافيه
نورتووو

اللغز الغامض
14 07 12, 11:33 PM
بصراحة موثرة بجد
شكرا

شوق تميم
15 07 12, 11:01 AM
العفووووووووو
مشكور على المرور

اسير الحرف
06 08 12, 05:36 AM
قصيدة في غاية الروعة ومنتهى الجمال ادبية واقعية