المساعد الشخصي الرقمي

مشاهدة النسخة كاملة : مرثية في الأخ / تركي آل حوتان يرحمه الله


المفيد
03 12 12, 09:14 PM
عشرين سبعة فجعنا الموت وفرقنا =واخذ علينا عزيزٍ ماصخينا به
لكنه امر الإله الي بــــه آمنا =ومكتوبٍ من الخالق الواحد ونرضى به
ياكم فقدنـــا حبيب وكم تـألمنا=ويا كم قريبٍ خذاه الموت واقفى به
لاشك موــــــتك ياتركي والله احزنا=حزنٍ لو انه وقع في الصخر ذابه
حزنٍ اشوفه عقب موتك يلازمنــــا=وشكله علينا بيبطي ضارب اطنابه
يــاكم ليل عليـــك الدمع غرقنا=وماجابت العين يا بن حسين جينا به
حتى المغيدر كأنه عنك يسألنـــا=كنه ابد مافقد غيرك من أصحابه
على فراقك ياخوي الله يصبرنــــــا=وأصعب من الموت فرقى الشخص لأحبابه
يا من بكيته قبل عامٍ وهو معنــا=وهو صويب وهو جرحه ضاعت أطبابه
اليوم ببكيه لو هو مبعدٍ عنــــا =ولاني بناسيه لو هو عظام في ترابه
ياخوٍ أبد ماخبرته يوم زعلنــــا =ولا قطع يومٍ في وصله ولا أقرابه
ولا دخل قلبـــه هجوسٍ ولا ظنــــاً = ولا يوم دور على مسلم ولا اغتابه
بر الأبــــو وأمه وفعله ينومسنا= وفيه الوفا دايما لأهله مع أنسابه
يـالله ياواحدٍ ندعيــه ويسمعنـــا =الواحد الي أبد ماخاب طلابه
ربٍ غـفور عليــه إنــا توكلنــا =والعفو والحلم مكتوبٍ على بابه
يالله تجبـــر عزانــا في مصيبتنا =وأغفر لتركي يارب وخفف حسابه
وخلده في جنة الفردوس يتهنــــا=واجعله من اللي يمينه تحمل كتابه
وصلوا على الي لدرب الخير يرشدنا=رسولنا الي وصل في الجار وأوصى به</pre>
</pre>
مرثية في الأخ / تركي آل حوتان يرحمه الله </pre>
شعر سعد ال حوتان</pre>

تميمية نجد
08 12 12, 12:06 PM
ابيات فذة وشاعر ابدع رحم الله الميت

دانة حايل
13 12 12, 06:36 PM
يعافك الله على الابيات قصيدة رائعة

شوق تميم
14 12 12, 12:49 AM
يالله تجبـــر عزانــا في مصيبتنا =وأغفر لتركي يارب وخفف حسابه
وخلده في جنة الفردوس يتهنــــا=واجعله من اللي (http://altmemi.com/vb/tags.php?tag=%C7%E1%E1%ED)يمينه تحمل كتابه

آميــــــــن
اللهم أرحم جميع موتانا وموتى المسلمين
قصيدة قمة في الروعه
جزاك الله خيرر