اخبارية بني تميم الالكترونية 

 يامرحبا  باهل الوجيه  المسافير   

عند الرجال  أهل الوفاء  والقرامه

اهل الكرم وأهل الدلال المساطير

كسابة الطالات  وأهل  الكرامه 

عيال حجيلان مكرمين  الخطاطير

زبن الدخيل اللي قسى الوقت ضامه

من  روس ربعي  محتمين  المغاتير 

اهل  الفخر  واهل السطر  والفخامه

ربعي هل الوقفات والسيف الشطير 

ربعي   تميم العز  روس  الزعامه 

عوق  الخصيم   مفرقين  الطوابير 

زحول الرجال  اللي  تفك  الجهامه

افعالهم تعرف  بوقت   المعاسير 

تاريخهم  كل  الشرف  في  وسامه

عاداتنا  نفرح  بشوف   المسايير  

والضيف  يلقي  حشمته  واحترامه 

منهم  ابوبندر  عشير   المناعير  

محمد اللي  ماتجيه الملامه 

وحمود  ابوحماد واف  الاشابـيـر

اللي  فعوله  دوم  تسبق  كلامة 

النادر  اللي  مايحسب  المخاسير

الطيب  ميراثه  خواله  عمامه

راع  الكرم  والجود  والدين  والخير 

كريم  سبلا سعد  منهو حزامه 

ودكتورنا  اللي  مايهاب المحاذير  

فهد سليل  المجد رمز  الشهامه  

ترفع له البيضاء بروس  المشاهير

راع  الفعول .. الطيبه .. والفهامه 

وصلاة  ربي   عد  ماغرد الطير 

على الرسول الي رفيع  مقامه