فرج الحريداوي - حائل

قصيدتي في سماحة الشيخ العلامه عبدالعزيز بن عبدالله بن محمد آل الشيخ - حفظه الله ورعاه - مفتي عام المملكة العربية السعودية بدأتها بالإعتذار لان مقام سماحته اكبر واسمى من الشعر وهي تجسد شئ بسيط من مشاعري المتواضعه..



كل القصايد بــ ( آل الشيخ ) عندي درر

و الشاعر ان قال مدح المدح يبغى كبار



و انا قصيدي بــ ( ال الشيخ ) مـا له عذر
حتى لو اني بعد مـدحـي أجيب اعتذار


عـذرا رعـاك الـكـريـم الرازق المقتدر
الشعر مهما كتبته فيك فيه إنكسار


منهو يلوم القصيد النادر اليا انكسر
قـدام شيخن حباه الله بــ علم وقار


شيخن وجوده على الدنيا سوات المطر
يسوقه الله على الممحل وينبت خضار


سماحة المفتي المحبوب راق ِ الفكر
محبته في خفوقي ما عليها غبار


حبه سكن في خفوقي ثابتٍ مستقر
له في خفوقي مكانه عالية و اعتبار


شيخن قديرٍ جليل العلم عنده بحر
الله يديمه لنا مصدر كرم و افتخار


( عبدالعزيز التميمي ) مستقر الفخر
شيخ ٍ على موطنه و أرضه ودينه يغار


الأصل طيب و نادر من رجال الظفر
من ال مشرف تميمي حي نسل الحرار






بني تميم الأشاوس للمراجل ذخر
روس المكارم هل الوقفه طوال العمار




تستاهلون المدايح لكن ابغى اختصر
المعذرة يا تميم اصحابنا بأختصار




كلمات : ممدوح سماح العفري الشمري

( عفا الله عنه )

اخبارية بني تميم بدورها تشكر الشاعر ممدوح الشمري وفقه الله ( صح لسانك )